Ese Tumaze Kubaka Pavoma Zingahe?

Muri Mutarama 2018, Tube Heza yari imaze kubaka pavoma kuri meterokare 51,496 zasimbuye ibitaka mu nzu. Ibi byatumye ingo zirenga 1878 zo mu midugudu irenga 300 itandukanye zagezweho ku buryo abazituyemo bataterwa n’indwara ziva mu mwanda. Dukorera mu turere dutanu mu Rwanda hamwe n’akandi karere kamwe ko muri Uganda, tunafite gahunda yo kwagura ibikorwa tukongeraho akarere kamwe kamwe muri buri gihugu mu mwaka wa 2018.

Igishushanyo mbonera kijyanye n’amazu yubatswe (Kamena 2018)

 

 

 

Ikiyongeraho, twatanze akazi gahoraho ku bantu barenga 80. Mu muco wa kampani yacu habamo gukora ibikenewe n’ibishoboka byose kugira tugire abakozi babigize umwuga. Tugira ibihe bitandukanye byo gutoza abakozi, kandi tugenda tubahindurira inshingano kugira babashe kuzamuka mu myanya yo gufata ibyemezo biteguye. Ikigereranyo cy’ibura ry’akazi mu rubyiruko mu Rwanda kiri hejuru cyane. Biramenyerewe ko umuntu arangiza kaminuza akaba nta kazi afite. Twizera ko ari inshingano zacu gushaka no gutoza abakozi b’urubyiruko bifuza kuba mu bazamura iterambere ry’igihugu.

Nsabimana Dominic

Dominic n’umugabo w’imyaka 42, akaba afite umuryango w’abana batandatu. Aba mu mudugudu wa Gisenyi aho ahinga ibishyimbo n’ibigori. Yamenye ibyerekeye Tube Heza ubwo yari abonye pavoma yayo yakorewe mugenzi we w’inshuti, ahita yifuza ko we n’umuryango we nabo bayubakirwa. Mu magambo ye yagize ati “buri kintu cyose mu nzu cyari cyanduye… bucura wanjye w’imyaka ine yararwaragurikaga cyane kandi kuba mu nzu y’ibitaka ntacyo byadufashaga keretse muganga gusa. Kuva nagira pavoma ya Tube Heza, ahora yishimye, ntakirwaragurika nka mbere kandi inzu nayo isa neza mo imbere. Nsigaye ngira abashyitsi benshi kurusha mbere kandi bose baba bifuza kwicara mu nzu.” Nyuma yaho, Dominic yabaye umuvugizi wa Tube Heza ku buryo ubu hamaze kubakwa izindi nzu nyinshi, abazituyemo bakaba bishimye.

Emerence

Emerence n’umukecuru w’imyaka 72 uturuka muri Congo. N’umwe muri bake bari bagifite inzu ifite ibitaka mu mugi wa Nyamata, ariko nyamara gukoresha sima byari kumuhenda bituma yihitiramo gukomeza kuyibamo gutyo n’ibitaka. Tube Heza yatoje abafundi kubaka pavoma ya Tube Heza mu nzu ye byatumye abona pavoma ku buntu. Kuba aba mu nzu ifite pavoma, ikaba itarangwamo ivumbi ikanaba yakozwa byaramushimishije cyane.

Jean

Jean aba mu nzu nto i Nyamata, akaba abana n’umuryango w’abana 9 n’umugore. Akenshi abana bose barara mu cyumba kimwe, kandi nta buryo bwo gusukura yari afite niyo bucura bwe yabaga yanyaye ku buriri. Abo bana bakundaga kurwaragurika kandi mu nzu ye habagamo umwuka utari mwiza kubw’ibintu bitandukanye byabaga byatonyangiye hasi. Kuba ubu afite pavoma ya Tube Heza itinjirwamo n’amazi, bivuze ko ashobora guzukura mu nzu yose uko ashaka, hakaba hahora isuku. Ibi byahinduye imibereho ya Jean n’abana be ku buryo bugaragara.

Sylvester

Sylvestre ni umworozi wo muri Mwogo akaba afite imyaka 38. Mbere yari atuye mu nzu y’ibitaka, akaba abana n’umugore n’abana bane. Abana be bararwaragurikaga, gusukura inzu byaragoranaga kandi nta bushobozi yari afite bwa sima. Mu kwezi k’ukwakira nibwo yumvishe Tube Heza hanyuma ariyandikisha ngo akorerwe pavoma. Ubu umukobwa we w’imyaka 15 avuga ko yishimiye cyane kuba yabasha gukora isuku, umuryango wose ukaba ahantu hasukuye. Ikirenzeho, Sylvestre yarishimye cyane ku buryo byatumye afata icyemezo cyo gushyira pavoma mu nzu ya Nyina umubyara baturanye!

Jean Bosco

Jean Bosco w’imyaka 33abana n’abana be 3 mu nzu nto iri i Juru. Yari amaze imyaka 7 aba mu nzu y’ibitaka kandi gukoresha sima byari bihenze cyane ku bushobozi bwe. Kuba muri iyo nzu, byatumaga abana be barwaragurika cyane bigatuma rimwe na rimwe batajya k’ishuri. Mu gihe cy’imvura inzu yabaga yuzuye ibyondo kandi yanduye. Amaze kumva ibyerekeye Tube Heza, yahise yifuza ko twamugeraho! Ati “Ubu abana banjye babayeho neza nta ndwara kandi umugore wanjye yishimiye cyane icyemezo nafashe, buri munsi abaturanyi baza kureba pavoma yanjye kandi ubu batatu muri bo bamaze gufata icyemezo cyo gukoresha pavoma ya Tube Heza”.

Jean Pierre

Jean Pierre ni umufundi uturuka Masoro, yari asanzwe akora ibiraka rimwe bikaboneka ubundi ntibiboneke; akenshi byabaga ari ku mahirwe. Umuryango we wahoraga uhangayitse niba bari bubone amafaranga yo kubatunga. Kuva Tube Heza yamuha akazi, yabashije kwiga ubukorikori bushyashya kandi abasha kubona umushahara wo kumufasha gutunga umuryango we. Yabashije no kugerwaho n’inyongera zizana n’akazi nko guhemberwa iminsi ya conje, ubwishingizi mu kwivuza, n’iteganyirizwa ry’amasaziro. Ibi byose ntiyigeze abigira akiri umunyabiraka.

Wifuza kumenya byinshi kurushaho? Reba hano Raporo y’umwaka.


(Ushobora kubona izindi raporo zabanjirije hano: 2015,2016)